Pastrimi pranveror: Si ta ngjallni lëkurën pas dimrit?

 

 

 

 

Kujdesi për lëkurën kërkon ndryshim, me ndryshimin e stinës. Por, edhe pse gjendja emocionale mund të jetë shumë e mirë, lëkura mund të jetë duke vuajtur pasojat e dimrit me shfaqjen e tharjes, shenjave në thembra, gjunjë dhe bërryl, si dhe zbehjes në fytyrë e trup si pasojë e mungesës së diellit.

Hidratimi total 
Së pari me ardhjen e pranverës preferohet që ju të bëni një hidratim të tërë lëkurës në trupin tuaj, duke filluar nga fytyra deri të këmbët. Me ardhjen e kësaj stine, shtohen edhe punët me lulet dhe oborrin. Keni kujdes që të përdorni dorëza mbrojtëse për duart.

Pastrimi i fytyrës 
Një pastrim i thellë i lëkurës do të ndihmonte fytyrën tuaj që të rifitojë pamjen natyrale dhe të butë që ka pasur para dimrit. Kjo mund të bëhet me preparate të ndryshme që përmbajnë edhe grimca pak më të forta në madhësi të rërës, në mënyrë që të largohen qelizat e vdekura dhe pjesët e thara të lëkurës së fytyrës.

Përdorni mbrojtje nga dielli! 
Pasi që me ardhjen e pranverës rrezet e diellit bëhen gjithnjë e më të dendura, preferohet që në lëkurën tuaj të përdorni mbrojtje, në mënyrë që të mos shkaktohet dëmtim i lëkurës.

                                                      

Vaji i lajthisë mrekullon fytyrën dhe flokët tuaj

 

 

Lajthia dhe vaj i lajthisë kanë disa veti të rëndësishme shëndetësore në mbrojtjen kundër sëmundjeve. Janë një burim i mirë i vitaminave, e sigurojnë trupin me proteina, kanë efekt mbrojtës, relaksues dhe qetësues për lëkurë, ndërsa vaj është i shkëlqyeshëm për t'i dhënë volum flokëve.

 

 

 

 Ditët dinamike të cilat po i jetojmë ne sot, kanë ndikuar shumë në mënyrën dhe ritmin e jetës. Obligimet e shumta ditore dhe koha e limituar, kanë bërë që gjinia e bukur ta humbë kujdesin dhe vëmendjen për dukjen e saj. Por, pavarësisht kufizimeve, duhet të gjejmë mënyra që t'i përkushtohemi mirëmbajtjes së fytyrës e flokëve. 
Shumë lehtë dhe shumë shpejt, do ta keni në duar të sigurta ndryshimin që e kërkoni. E ky rezultat arrihet me shumë zgjuarsi duke ditur të rrëmbeni bukurinë e natyrës. E pra, nëse po kërkoni diçka perfekte për veten, ja ku e keni! Një vaj fantastik, 100% natyral dhe i freskët, i cili nuk lë ndjesinë e yndyrës së tepërt.

 

 

 

 

 

Vaji natyral i lajthisë
Vaji natyral i lajthisë është ideal për fytyrën tuaj, e sidomos nëse tipi i lëkurës është i yndyrshëm. Përhapja e tij në fytyrë është proces i lehtë dhe i absorbueshëm nga lëkura. Vlerat ushqyese të këtij vaji bimor dhe frytet që ka lajthia janë të pangopura.

Lajthia është një ushqyes shumë i rëndësishëm për organizmin dhe e mbron atë nga sëmundjet. Përmban vitaminat A, B1, B2, B3, B5, B6, B9, E (e cila dihet për vetitë e saj rinuese), biotinë, acid folik, acid linoleik, zink, kalcium, magnez, hekur, kalium, proteina, karbohidrate, minerale esenciale, etj.

Vaji i lajthisë përdoret sidomos për hidratimin e lëkurës së thatë, ndërsa lëkurës së yndyrshme i ndihmon në stabilizmin e saj. 
Ka veti antibakteriale (ndihmon në pakësimin dhe parandalimin e akneve), ka veti tonifikuese për lëkurën, ndihmon në mbylljen e poreve. Njihet edhe si mbrojtës për lëkurën nga rrezatimi ultravjollcë dhe për këtë arsye është pjesë përbërëse e shumë kremrave solare.

Përdorimi për flokët 
Larja dhe krehja e tyre e shpeshtë me tharëse, i bën flokët të duken të zbehta dhe pa jetë. Për ta mbajtur flokun tuaj të shëndoshë aplikoni vaj lajthie para larjes së tyre.
Vaji i lajthisë forcon flokun, i jep shkëlqim, butësi e gjallëri falë vitaminës E. Madje, kohëve të fundit, njohës të estetikës pohojnë se vaji natyral i lajthisë është i duhuri për t'u dhënë volum flokëve tuaja.

Lajthia nuk është rezistuese ndaj temperaturave të larta, andaj ajo duhet të ruhet në frigorifer dhe në vend të errët për t'i mbrojtur vlerat ushqyese që ka.

 

 Të mirat e përgjithshme të frutit të lajthisë
■ Lajthia është e këndshme dhe e ushqyeshme, përdoret e freskët, e thatë dhe e përpunuar në ëmbëlsira të ndryshme.
■ Frutat përmbajnë rreth 60 për qind vaj, albuminë dhe pak sheqerna. Me miellin e saj edhe të grurit përgatitet një bukë shumë e ushqyeshme.
■ Thelbi është i pasur në kripëra minerale si dhe vitamina A, B1, B5, C, PP, etj. Lajthitë përdoren me rezultate të mira dhe u rekomandohen atyre me shëndet të dobësuar, anemikëve, si dhe për gratë shtatzëna.
■ Nuk këshillohet përdorimi i lajthive te ata që vuajnë nga stomaku dhe nga dispepsia (tretje me vështirësi e ushqimit dhe me dhimbje të aparatit tretës.) Lëvorja e rrënjës ka veti antipiretike. 
■ Pjalmi i luleve është përdorur kundër epilepsisë (sëmundjes së tokës).
■ Gjethet e lajthisë kanë veprim qetësues në dhimbjet dhe infeksionet e zorrëve dhe përdoren kundër diarresë, meqenëse ato përmbajnë lëndë tanike.
■ Nga druri i lajthisë nxirret një vaj eterik, që përdoret kundër dhimbjeve të dhëmbëve; për këtë do të mjaftonin disa pika mbi dhëmbin e sëmurë.
■ Gjithashtu, ky vaj ka dhënë rezultate të mira për luftimin e krimbave askaride. Me përdorim të jashtëm jep efekt kundër thumbimeve të insekteve.

Maskë zbutëse dhe lëngëzuese e përgatitur në shtëpi

Ekziston një substancë mjaft interesante të cilen mund t’a përdorni në zbutjen dhe lëngëzimin e fytyrës së thatë. Kjo substancë është pikërisht glicerina e cila përdoret mjaft gjërë në industrinë e kozmetikës si një produkt natyral. Ajo përdoret në krijimin e sapunve, locioneve të ndryshem, dhe në kremra. Atë mund t’a blini në çdo farmaci. Kujdes glicerinën duhet t’a përdorni në sasi të vogla kur përgatisni recetat e ndryshme.
Përbërësit;
1 të bardhë veze
1 lugë mjaltë
1 lugë glicerinë
Përgatitja;
Ndani të bardhen nga e verdha e vezës, të verdhen ruani në frigorifer për diten e neserme që të përgatisni  maskë me të verdhën e vezës. Rraheni pak të bardhen e vezës në pjatë dhe hidhni mjaltin.  Në qoftëse mjalti kristalizohet ngroheni pak duke vendosur poshtë pjatës një tas me ujë të nxehtë. Përzieni një lugë glicerinë me një lugë ujë së bashku, hidheni këtë locion tek dy përbërësit e tjerë që gjënden në pjatë dhe përzieni sërish. Vendoseni masken në fytyrë dhe pastaj vazhdoni me proçesin e zakonshem të vendosjes dhe heqjes së maskës.

 

Maskë me fara luledielli

3 lugë fara luledielli
Qumësht sa për të zbutur farat
Përgatitja;
Merrni farat e lulediellit, heqni levoret dhe pastaj hidhni në një tas. Hidhni siper tyre qumësht dhe i lini të qëndrojë gjatë gjithë natës. Vendoseni në blender në mëngjes dhe hidhni pak shafran mbi të. Lyeni fytyren me receten e përgatitur vetem ditën, kjo maskë është zgjidhja përfekte për ato që dëshirojnë të mbyllin pak sa pigmentin e lëkurës. Në qoftëse e përdorni këtë recetë për një periudhë të gjatë kohore do të mbyllni edhe më shumë pigmentin e lëkurës. Pra, çdo gjë varet në mënyren se si e përdorni receten e përgatitur.

Maskë me kastravec dhe shalqi për lëkurë me shkëlqim

Dy lugë lëng kastraveci
2 lugë lëng shalqiri
1 lugë kos
1 lugë qumësht pluhur
Përgatitja;
Përzieni gjithë përbërësit së bashku mirë, dhe me masen e krijuar lyeni fytyren dhe e lini të qëndrojë 15 minuta. Kjo recetë do t’ju heqë njollat dhe irritimin dhe do reagojë si tonifikues. Lëngu i kastravecit është mjaft i njohur për efektin e tij zbardhues. Kosi zbut dhe ngjesh qelizat e lëkurës kjo falë përbërjes së tij me acid laktik. Kjo është një maskë e mrekullueshme nëse dëshironi të keni lëkurë të bukur dhe të lëmuar. Duhet t’a provoni vetë që të vëreni ndryshimin e mrekullueshem që kjo formulë magjike do të ketë tek ju.

Vaji i bajameve, freskues i madh i lëkurës



 


 Arsyeja kryesore për të cilën shumë femra e përdorin vajin e bajameve është parandalimi i shenjave të zgjerimit të lëkurës.
Vaji i bajameve sheshon rrudhat e gushës, zbut lëkurën e ashpër tek bërrylat dhe gjunjët, forcon thonjtë e butë dhe pastron zonat delikate.
Vaji i bajameve është një freskues i madh i lëkurës, pasi ka një cilësi të lehtë dhe bollëk të vitaminës E. penetron lëkurën dhe mbron thonjtë nga çdo lloj të dëmtimit të mjedisit.
Megjithatë, duhet pasur parasysh se përbërja në masën 50 për qind nga yndyrat e kufizon përdorimin e tij, për shkak të kalorie të tij.
Në masazhe , vaji i bajameve lejon gjithashtu uljen e irritimit të lëkurës dhe nuk e lejon atë të mbetet e thatë. Në përdorimin e brendshëm, ai shfaqet si një laksativ shumë i mirë jo irritues.